ជប៉ុន៖ ប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា សម្តេចតេជោ ហ៊ុន សែន នាព្រឹកថ្ងៃទី១២ ខែមករា ឆ្នាំ២០២៤ កំពុងធ្វើដំណើរត្រឡប់មកកម្ពុជាវិញ ក្រោយទទួលបានកែវភ្នែកសិប្បនិមិ្មតចំនួន៥គ្រាប់សម្រាប់ប្រើរយៈពេល១០ឆ្នាំខាងមុខទៀត។

សម្តេចតេជោ បានសរសេរក្នុងឆាណែលតេឡេក្រាមថា៖«ខ្ញុំកំពុងធ្វើដំណើរត្រឡប់ទៅកម្ពុជាវិញបន្ទាប់ពីបានផលិតកែវភ្នែកសប្បនិមិត្តចំនួន៥គ្រាប់សម្រាប់ប្រើរយះពេល១០ឆ្នាំខាងមុខទៀត»។

សម្តេចតេជោ បានអរគុណរដ្ឋាភិបាលនិងគ្រូពេទ្យជប៉ុនដែលបានផ្តល់កែវភ្នែកនិងការពិនិត្យព្យាបាលរយៈពេលកន្លងមកក៏ដូចជាពេលនេះ។

ជាមួយគ្នានេះសម្តេចតេជោ ក៏បានអរគុណនាយករដ្ឋមន្ត្រីជប៉ុន លោក ហ្វីមីអូ គីសុីដាដែលបានទទួលជួបសន្ទនាជាមួយសម្តេចកាលពីថ្ងៃម្សិលមិញដើម្បីពង្រឹងនូវចំណងមិត្តភាពរវាងកម្ពុជា-ជប៉ុនឱ្យកាន់តែរឹងមាំថែមទៀត៕